Qostanaıda salqyn sý baǵasy kóteriledi

QOSTANAI. QazAqparat -  Qostanaı qalasynda salqyn sýdyń baǵasy ósedi, dep habarlaıdy QazAqparat.

«Qostanaı-Sý» mekemesiniń baspasóz hatshysy Maııa Aqbasovanyń sózinshe, kommýnaldyq tólem quny jýyq arada qymbattaıdy.

«Qostanaı-Sý» kommýnaldyq mekemesi aǵymdaǵy jyldyń 1 sáýirinen bastap sýmen jabdyqtaý jáne sý burý qyzmeti tarıfiniń kóteriletinin habarlaıdy. Sý baǵasy abonentterdiń jekeleı sanattary boıynsha kóteriledi. Qala turǵyndary úshin qyzmet tarıfi 11 %-ǵa ósedi. Al basqa tutynýshylar úshin 26%-ǵa kóteriledi»,- dep túsindirdi M. Aqbasova.

Buǵan qosa salqyn sýdy tazartý boıynsha da tarıf ósti. Endi turǵyndar bul qyzmet úshin 11%-ǵa artyq tóleıdi. Basqa tutynýshylarǵa qoıylǵan qyzmet quny qazirgiden 21%-ǵa ósedi.