Qostanaıda sal aýrýyna shaldyqqan balalarǵa trenajerlardy jastar jasap beredi

QOSTANAI. QazAqparat - Qostanaılyq jas otbasy Sabyr jáne Áıgerim Ábildınder «Zhas Project» jobasyna qatysyp, áleýmettik kásipkerlikti damytýǵa sheshim qabyldaǵan. Olar tserebraldy sal aýrýyna shaldyqqan balalarǵa jıhazdar men velotrenajerlar jasaıdy. Jobany damytý baǵyty týraly QazAqparat tilshisine Áıgerim Ábildına aıtyp berdi.

«BTsS-men aýyratyn balalarǵa arnalǵan velotrenajerlar qurastyryp, ony jalǵa berý jobasyn qola alamyn dep sheshtim. Olardy ózimiz shyǵaramyz. «Zhas Project» aıasynda Qostanaıdaǵy ońaltý ortalyǵynda em alyp jatqan balalarǵa usyndyq. Sondaı-aq arnaıy áleýmettik qyzmetter ortalyǵyndaǵy balalarǵa da apardyq», - deıdi Áıgerim.

Jas kásipkerdiń aıtýynsha, jobany qolǵa alý onyń otbasymen baılanysty oqıǵadan soń bastalǵan. «Meniń nemere inim de BTsS-dan zardap shegedi. Onyń ata-anasy arnaıy trenajerdi 200 myń teńgege Reseıden alǵyzdy. Biz shaǵyn saýalnama júrgizip edik, ondaı trenajerdy alýǵa ekiniń biriniń qoly jete bermeıtinin bildik. Sol kezde osyǵan uqsas, biraq arzandaý trenajer shyǵarýdy uıǵardyq. Alǵashqy trenajerdi ádettegi velosıpedtiń negizinde qurastyrdyq», - deıdi ol.

Ázirge 4 arnaıy trenajer jasalyp, ońaltý ortalyqtaryna berilgen. «Zhas Project» jobasynyń sońyna qaraı jas kásipker onyń birin ońaltý ortalyǵyna syı retinde qaldyrmaq. Qalǵan úsheýin jazda ortalyq saıabaqqa ornatady.

«Biz jobany odan ári damytamyz. Jalǵa berýmen shektelmeı, satylymǵa shyǵarý jaǵyn da oılastyryp jatyrmyz. Bular Reseıdiń ónimine qaraǵanda 2-3 ese arzan bolady», - deıdi Áıgerim.

Jobanyń órisin keńeıtý úshin jas kásipkerler ınvestorlardy jumyldyryp, shaǵyn tsehty jalǵa almaq.

Avtory: Janna Musabaeva