Qostanaıda sábıin qoqys jáshigine tastaǵan kókek ana tabyldy
QOSTANAI. QazAqparat – Qostanaı qalasynda jańa týǵan balasyn qoqys jáshigine tastap ketken áıel anyqtaldy, dep habarlaıdy QazAqparat.
Aqparatty oblystyq polıtsııa departamentiniń baspasóz qyzmeti rastady.
«Qostanaı polıtsııa basqarmasy jedel-izdestirý is-sharalaryn júrgizý barysynda 26 jastaǵy áıeldi anyqtady. Ol Qostanaı qalasynda turady. Qazirgi ýaqytta QR Qylmystyq kodeksiniń 100-baby («Jańa týǵan balany anasynyń óltirýi») boıynsha sotqa deıingi tergeý sharalary bastaldy», - delingen polıtsııanyń aqparatynda.
Bul derek tergeýdiń biryńǵaı tizilimine tirkeldi. Kókek ananyń kinási dáleldense, ol tórt jylǵa deıingi merzimge bas bostandyǵynan aıyrylýy múmkin.
Eske salsaq, Qostanaıdaǵy «Áýejaı» shaǵyn aýdanynda qoqys konteınerinen jańa týǵan shaqalaqtyń denesi tabyldy.
