Qostanaıda sabaq kezinde balaǵat sóz aıtqan oqýshynyń ata-anasyna aıyppul salyndy
ASTANA. KAZINFORM — Qostanaıda oqýshynyń buzaqylyǵy úshin anasy jaýapqa tartyldy, dep habarlaıdy oblystyq sottyń baspasóz qyzmeti.
Lısakov qalalyq soty mektepte tártip buzǵan kámeletke tolmaǵan balanyń isi boıynsha onyń anasyna qatysty ákimshilik isti qarady. Іs QR ÁQBtK-niń 435-baby boıynsha qaralǵan.
Sot materıaldaryna sáıkes, 2025 jylǵy 10 jeltoqsanda Lısakov qalasyndaǵy mektepterdiń birinde 2011 jyly týǵan oqýshy sabaq kezinde balaǵat sózder aıtyp, aınalasyndaǵylarǵa qurmetsizdik tanytqan. Osylaısha qoǵamdyq tártip pen azamattardyń tynyshtyǵy buzylǵan. Balanyń anasy ata-ana retinde onyń mundaı áreket jasaýyna jol bergeni úshin jaýapqa tartyldy.
Sot otyrysynda anasy óz kinásin tolyq moıyndap, jasaǵan isine ókinetinin aıtty. Onyń sózinshe, balasymen túsindirý jumystary júrgizilip, ol muǵalimnen keshirim suraǵan.
Zańǵa sáıkes, eger 14 pen 16 jas aralyǵyndaǵy jasóspirim usaq buzaqylyq jasasa, onyń ata-anasy nemese zańdy ókilderi ákimshilik jaýapkershilikke tartylady.
Іsti qaraý nátıjesinde sot áıeldi kináli dep tanyp, aıyppul saldy. Aıyppul mólsheri azaıtylyp, 19 267 teńgeni qurady. Qazirgi tańda sot qaýlysy zańdy kúshine engen joq.
Budan buryn Semeıde balaǵat sóz aıtqan stendap-bloger qamaýǵa alynǵanyn jazǵan edik.