Qostanaıda reseılik traktorlar qurastyrylmaq
Qalanyń óndiristik ahýalyn jaqsartý úshin ashylǵan nysandardyń eń áleýettisi - ındýstrııalyq aımaq. Onyń ishine birneshe kásiporyn qurylysy qyzý júrip jatyr. Máselen, «Ýral LTD» JShS úlken suranys bolǵan jaǵdaıda «Kırovets» traktorynyń 500-ge deıingi danasyn shyǵarýǵa nıetti. Seriktestik dırektory Valentın Romanov oblys ákimimen kezdesý barysynda reseılik traktorlardy qurastyrý jospary týraly aıtty. Arhımed Muhambetov te onyń josparyn quptap, ınvestorlar tarapynan 1 mlrd teńge bólingen jaǵdaıda jer ýchaskesi beriletinin jetkizdi.
«Biz jer ýchaskesin bólemiz, sodan keıin sizderge ınvestorlardyń tıisti qarjy quıýyn kútemiz. Qazirdiń ózinde Indýstrııalyq aımaqta óz jobalaryn júzege asyrǵysy keletin kásiporyndar kóp, óıtkeni eger olardyń bazasynda erkin ekonomıkalyq aımaq bolsa, salyqtyq jeńildikterge ıe. Sondyqtan da eń áýeli ınvestıtsııa máselesin sheship alyńdar», - dedi oblys ákimi.
Dál osy aımaqtaǵy «VEK Qazaqstan» JShS jedelsaty shyǵaratyn zaýyt qurylysyn qolǵa alǵan. Bul zaýyttyń qurylysy osy jyldyń qyrkúıek aıynda bastalǵan edi. Jobanyń jalpy quny - 2,5 mlrd teńge. Kásiporyn jylyna 700 jedelsaty jasap shyǵarýǵa qaýqarly. Qazirdiń ózinde-aq 105 mln teńgeniń jedelsatylaryna aldyn ala suranys qabyldap qoıypty.
Oblys ortalyǵynda qurylys jumystary aıaqtalýǵa jaqyn qalǵan birqatar nysan «Áýejaı» shaǵynaýdanynda irge kótermek. Naqtylap aıtqanda, taıaý arada sport keshenderi paıdalanýǵa beriledi. Munymen qosa, 900 orynǵa shaqtalǵan orta mektep salyný ústinde.
«Qalanyń soltústik-batys bóligindegi «Áýejaı» yqshamaýdanynyń bolashaǵy zor, turǵyn úıler boı túzedi. Sondyqtan, bul áleýmettik nysandar syn men sapaǵa sáıkes kelý kerek. Osyǵan mán berińizder», - dedi Arhımed Muhambetov qurylysshylarǵa. 
