Qostanaıda referendým kúni qoǵamdyq kólikte jol júrý tegin bolady
QOSTANAI. KAZINFORM – Qostanaı qalasynda respýblıkalyq referendým ótetin kúni turǵyndarǵa qolaıly jaǵdaı jasaý maqsatynda qoǵamdyq kólikte jol júrý ýaqytsha tegin bolady.
Qalalyq ákimdiktiń málimetinshe, 15 naýryz kúni saǵat 07:00-den 13:00-ge deıin qala ishindegi avtobýstarda jol júrý aqysyz uıymdastyrylady. Bul shara qala turǵyndarynyń óz saılaý ýchaskelerine esh kedergisiz jetýine jáne mańyzdy qoǵamdyq-saıası naýqanǵa qatysýyna múmkindik beredi.
Jergilikti bılik ókilderiniń aıtýynsha, qabyldanǵan sheshim referendým kúni azamattardyń belsendiligin arttyrýǵa jáne turǵyndarǵa qolaıly jaǵdaı jasaýǵa baǵyttalǵan.
Sonymen qatar Naýryz meıramyn merekeleý kúnderi de qoǵamdyq kólik jumysyna ózgerister engiziledi. 21 jáne 22 naýryzda, negizgi merekelik is-sharalar ótetin ýaqytta, qalalyq avtobýstardyń jumys ýaqyty bir saǵatqa uzartylady. ıAǵnı sońǵy avtobýstar sońǵy aıaldamalardan ádettegi 22:00 ornyna 23:00-de qatynaıtyn bolady.
Bul sharalar qala turǵyndary men qonaqtarynyń qala ishinde erkin qozǵalýyna, merekelik is-sharalarǵa qatysyp, olardyń aıaqtalǵannan keıin úılerine yńǵaıly jetýine múmkindik beredi.