Qostanaıda psıhıatr-dárigerdiń tutqyndalýy adam ólimine qatysty bolýy múmkin
QOSTANAI. QazAqparat - 2 naýryz kúni polıtsııa qyzmetkerleri Qostanaı oblystyq júıke aýrýlary dıspanseriniń bólim meńgerýshisi Záýresh Izaldınany jumys ornynda tutqyndady, dep habarlaıdy «QazAqparat» HAA tilshisi.
Ony klınıka qyzmetkerleriniń kózinshe tutqyndaǵan. Oqıǵa kýágerleriniń aıtýynsha, Izaldınany aýrýhanadan qolyna kisen salyp alyp shyqqan.
«QazAqparat» tilshisi Qostanaı oblystyq ІІD-niń baspasóz qyzmetine Izaldınany tutqyndaý sebebi jaıly, sondaı-aq onyń Qostanaı oblystyq sot-medıtsınalyq saraptamasynyń tóraıymy Rashıda Sandybaevany óltirý qylmysyna qatysy bar-joǵy týraly saýal joldady.
Baspasóz qyzmetiniń mamany bul aqparatty rastap, ne joqqa shyǵarýdan bas tartty. Tek saýalǵa qajetti protsessýaldyq is-áreketter ótkizilgennen keıin jaýap beriletindigin málimdedi.
Eske sala keteıik, 20 aqpan kúni tanymal dáriger, oblystyq psıhıatrııalyq dıspanseriniń burynǵy basshysy Rashıda Sandybaevanyń qatygezdikpen óltirilgen denesi tabyldy.
1 naýryz kúni qylmysqa qatysy bar kúdiktiler tutqyndalǵan edi.
