Qostanaıda psıhıatr-dárigerdi óltirdi degen kúdikpen onyń áriptesi tutqyndaldy
ASTANA. QazAqparat - Qostanaı qalasynyń №2 soty 2 naýryzda ustalǵan Qostanaı oblysynyń psıhıatrııalyq aýrýhanasynyń bólim meńgerýshisi Zaýresh Izaldınany tutqyndaý týraly sanktsııa shyǵardy, dep habarlaıdy "Nash Kostanaı".
Ol áriptesin, joǵary kategorııaly dáriger Rashıda Sandybaevany óltirdi, kisi óltirý qylmysyn uıymdastyrdy degen kúdikke ilindi. Odan bólek ol tonaý qylmysyn da uıymdastyrǵan bolýy múmkin.
Basylymnyń jazýynsha, 17 aqpan kúni Rashıda Sandybaeva men Zaýresh Izaldına sózge kelip qalǵan, oǵan biraz adam kýá bolǵan.
Izaldına - psıhıatrııalyq aýrýhananyń erler bóliminiń meńgerýshisi. Bir kezderi bas dárigerdiń orynbasary bolǵan, keıin jumysynyn kiltıpan shyǵyp, laýazymynan túsken. Al Rashıda Sandybaeva ekeýiniń arasynda óshpendilik ornaǵanyna biraz ýaqyt bolǵan.
Sot Zaýresh Izaldınany 2 aıǵa tutqyndaý týraly sanktsııa qabyldady.
Eske sala keteıik, 20 aqpan kúni eki bólmeli páterinde oblystyq psıhıatrııalyq saraptaý bóliminiń burynǵy bas dárigeri Rashıda Sandybaeva asqan qanisherlikpen óltirildi. Resmı málimet boıynsha, onyń denesinen 30-dan asa pyshaq izi tabylǵan. Al týysqandarynyń aıtýynsha jaraqat sany odan da kóp bolǵan.
