Qostanaıda prokýratýranyń aralasýynan keıin 4 mlrd teńgelik agrojoba iske asady
ASTANA. KAZINFORM – Qostanaı oblysy Denısov aýdanynyń prokýratýrasy ınvestorlardyń quqyqtaryn qorǵaý Komıtetiniń úılestirýimen ınvestordyń jer ýchaskesin alý quqyǵyn qorǵady.
QR Bas prokýratýrasy Investorlardyń quqyqtaryn qorǵaý komıtetiniń habarlaýynsha, «Tohtar Agro» JShS kúnbaǵys tuqymyn óńdeý jáne forpressııalaý jónindegi óndiristik jelini, sondaı-aq ósimdik tektes jemshóp unyn óndirý tsehy bar elevatordy salý jónindegi ınvestıtsııalyq jobany iske asyrýdy josparlap otyr.
Investıtsııalardyń jalpy somasy 4 mlrd teńgeni quraıdy, 50-den astam jańa jumys ornyn qurý josparlanǵan.
Jer ýchaskesin berý týraly máseleni qaraý kezinde energııa berýshi uıym ýchaskeniń aýmaǵy boıynsha joǵary voltty elektr berý jelisiniń ótýine baılanysty ony kelisýden bas tartty.
Jaǵdaıdy zerdeleý barysynda prokýratýra ýákiletti organdarmen birlesip elektr berý jelisin energetıkalyq ınfraqurylym jumysyn buzbaı jer ýchaskesinen tys jerge kóshirýge bolatynyn anyqtady.
-Qabyldanǵan sharalardyń nátıjeleri boıynsha ınvestorǵa ınvestıtsııalyq jobany iske asyrý úshin qajetti jer ýchaskesi berildi. Qostanaı oblysynyń prokýratýrasy ákimshilik kedergilerge jáne olardyń quqyqtarynyń ózge de buzylýyna tap bolǵan ınvestorlardy +7 (701) 855-87-06 telefony nemese 115 Call-ortalyǵyna habarlasýǵa shaqyrady,-delingen habarlamada.
Osyǵan deıin Atyraý prokýratýrasynyń memleketke mıllıondaǵan aktıvterdi qaıtarǵany týraly jazdyq.
