Qostanaıda prokýratýra ónerkásiptik obektilerdiń jumysynan kóptegen zańbuzýshylyqtar anyqtady
QOSTANAI. KAZINFORM - Qostanaı oblysy Beıimbet Maılın aýdanynyń prokýratýrasy ónerkásiptik obektilerdi paıdalaný kezinde halyqtyń sanıtarııalyq-epıdemıologııalyq salamattylyǵy talaptarynyń saqtalýyna taldaý júrgizdi.
Qostanaı oblystyq prokýratýrasy taratqan málimetterge qaraǵanda, taldaý barysynda júıelik zańbuzýshylyqtar anyqtaldy: epıdemııalyq mańyzy joǵary 11 kásiporyn, olardyń ishinde asfaltbeton zaýyty, iri elevator, sondaı-aq birqatar jer qoınaýyn paıdalanýshylar kóptegen jyldar boıy belgilengen sanıtarlyq-qorǵaý aımaqtarynsyz (SQA) jáne sanıtarlyq-epıdemıologııalyq qorytyndylarsyz qyzmetin júzege asyrǵan.
Sonymen qatar, SQA-bul ónerkásiptik jáne basqa obektilerdi turǵyn úı aýmaqtarynan bóletin jáne zııandy faktorlardyń adam densaýlyǵy men qorshaǵan ortaǵa áserin qaýipsiz deńgeıge deıin tómendetýge qyzmet etetin qorǵanys tosqaýyly.
Sanıtarlyq-qorǵaý aımaqtarynyń bolmaýy turǵyndardyń densaýlyǵy men ekologııasyna tikeleı qaýip tóndiredi.
Prokýrordyń qaýlylary boıynsha barlyq kásiporyndar ákimshilik jaýapqa tartyldy. Aıyppuldardyń jalpy somasy qysqartylǵan tártippen 6,3 mln. teńgeni qurady.
Prokýratýranyń aralasýynan keıin ónerkásiptik obektiler sanıtarııalyq-qorǵaý aımaqtaryn belgileý jobalaryn resimdeý jáne qajetti qorytyndylar alý boıynsha jumysty bastady jáne júrgizip jatyr, al ýákiletti organ (SES) zańbuzýshylyqtar joıylǵanǵa deıin jedel den qoıý sharalaryn shyǵardy.
Tıisti jáne ýaqtyly monıtorıng júrgizbegeni úshin aýdandyq sanıtarlyq-epıdemıologııalyq baqylaý qyzmetiniń basshysy tártiptik jaýapkershilikke tartyldy.
Óńir azamattarynyń densaýlyǵy men ekologııasyn qorǵaý boıynsha jumysty turaqty negizde júrgizedi.
-Halyqtyń tabıǵaty men densaýlyǵyna teris áser etetin qyzmetti júzege asyratyn kásiporyndar qoldanystaǵy zańnamanyń talaptaryna sáıkes mindetti túrde sanıtarlyq-qorǵaý aımaqtaryn belgileýi qajet,-delingen habarlamada.
Osyǵan deıin Qostanaıda prokýratýra bilim qyzmetkerleriniń 5 mln teńge qosymsha tólem alýyna yqpal etkeni týraly jazdyq.
