Qostanaıda prokýratýra bilim qyzmetkerleriniń 5 mln teńge qosymsha tólem alýyna yqpal etti
QOSTANAI.KAZINFORM – Bul týraly Qostanaı oblystyq prokýratýrasynyń baspasóz qyzmeti málim etti.
-Qostanaı oblysynyń prokýratýra organdary qyzmetkerlerdiń konstıtýtsııalyq quqyqtaryn qorǵaýǵa jáne eńbek zańnamasynyń saqtalýyna erekshe kóńil bóledi,-delingen habarlamada.
Jangeldın aýdany prokýratýrasymen júrgizilgen taldaý barysynda aýdandyq bilim bóliminiń qyzmetinde Qazaqstan Respýblıkasynyń Eńbek kodeksiniń 52 babynyń talaptaryna jáne bilim berý uıymdarynyń ujymdyq sharttaryna sáıkes zeınet jasyna jetken qyzmetkerlerge bir laýazymdyq aılyqaqy mólsherinde ótemaqy tóleý kózdelgeni anyqtaldy.
Alaıda, aýdandyq bilim bólimi atalǵan normalardy elemegen, sonyń saldarynan aýdannyń 14 jalpy bilim beretin mektebinde zeınet jasyna jetken qyzmetkerlerge tıesili 5 mln teńgeden astam somaǵa ótemaqy tólenbegen.
- Qadaǵalaý aktisi boıynsha buzýshylyqtar joıylyp, bilim berý salasynyń 34 qyzmetkerine tıesili tólemder tolyq kólemde tólendi. Jol berilgen buzýshylyqtar úshin 9 laýazymdy tulǵa ákimshilik jaýaptylyqqa, 3 tulǵa tártiptik jaýapkershilikke tartyldy, - delingen habarlamada.
Qyzmetkerlerdiń quqyqtaryn qorǵaý jáne qyzmetkerler aldyndaǵy barlyq áleýmettik kepildikterdiń ýaqtyly oryndalýy bóliginde eńbek zańnamasy normalarynyń saqtalýyn qamtamasyz etý oblys prokýratýrasynyń organdary qyzmetiniń basym baǵyttarynyń biri bolyp tabylady.
Almatyda prokýratýranyń yqpalymen 44,5 myń tonna prekýrsorǵa berilgen lıtsenzııa qaıtaryldy.
