Qostanaıda polıtsııa eki sheteldik dropperdi ustaý operatsııasyn júrgizdi
ASTANA. KAZINFORM - Shilde aıynan bastap Qazaqstanǵa kelgen 30 jastaǵy kórshiles eldiń azamaty Aqtóbe, Atyraý jáne Aqtaý qalalarynda alaıaqtar jymqyrǵan iri kólemdegi aqshany qolma-qol aqshaǵa aınaldyryp otyrǵan. Keıin ol aqshany Telegram arqyly "kýratorlar" jibergen bank kartalaryna aýdarǵan.
«Onyń 21 jastaǵy kómekshisi óziniń qylmystyq áreketin sybaılasynan tájirıbe jınaý arqyly bastaǵan.
Ekeýi de qarajatty qolma-qol aqshaǵa aınaldyrý kezinde ustaldy. Jeke tintý barysynda olardyń jaldamaly páterinde polıtsııa qyzmetkerleri úshinshi tulǵalardyń telefondary men bank kartalaryn tárkiledi», — dep jazdy ІІM baspasóz qyzmetinen.
Ustalǵandardyń birneshe alaıaqtyq faktilerine qatysy bar ekeni anyqtaldy.
Polıtseıler tergeýdi jalǵastyryp jatyr.
Aıta keteıik, buǵan deıin Almatyda kólikterdi zańsyz tirkeýmen aınalysqan qylmystyq top ustalǵanyn jazǵanbyz.
