Qostanaıda polıtsııa bastyǵy bas bostandyǵynan aıyrý jazasynyń ornyna aıyppul tóleıdi
QOSTANAI. QazAqparat - Qostanaı stansasy JІІB bastyǵynyń birinshi orynbasary Shyńǵys Battalov 20 mıllıon teńge somasynda aıyppul tóleıdi, dep habarlaıdy «QazAqparat» HAA tilshisi.
Búgin Qostanaı qalalyq №2 sotynda Qostanaı stansasy jelilik ishki ister bólimindegi (JІІB) jemqorlyq týraly iske qatysty úkim shyǵaryldy.
Battalov 16 aqpan kúni «Kazaqstan temir joly» UK AQ-nyń Qostanaıdaǵy magıstraldyq jeliler bólimshesiniń bas ınjenerimen kezdesip, 1 mln teńge alǵan. Ol qarjy 800 lıtrlik tórt bóshkedegi motor maıyn jymqyrý faktisi boıynsha sotqa deıingi tergeý jumystaryn toqtatý úshin beriledi. Bul para Qostanaı stansasy JІІB-niń bastyǵy Erjan Saparovqa arnalǵan edi. Jemqorlyqpen kúres qyzmetiniń qyzmetshileri parany Saparovqa berip jatqan kezde Battalovty tutqyndaıdy.
Sottalýshy kámelettik jasqa tolmaǵan eki uly men aıaǵy aýyr kelinshegi baryn alǵa tartyp, bas bostandyǵynan aıyrmaýdy ótindi.
Sot barysynda prokýror bergen paranyń 20 esesin, ıaǵnı 20 mln teńge kóleminde aıyppul taǵaıyndaýdy talap etti.
Sot Battalovqa jeke múlkin tárkileı otyryp, «polıtsııa maıory» ataǵyn alýdy jáne ómir boıyna memlekettik qyzmet pen quqyq qorǵaý organdarynda qyzmet etýge tyıym salyp, 20 mln teńge kóleminde aıyppul tóleý týraly úkim shyǵardy.
