Qostanaıda polıtseıler órtenip jatqan úıden 15 adamdy alyp shyqty
QOSTANAI. QazAqparat – Qostanaılyq tártip saqshylary órtenip jatqan úıden on shaqty adamdy alyp shyqty, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, oqıǵa 22 sáýir kúni túngi 02:00 shamasynda oblys ortalyǵyndaǵy Altynsarın kóshesinde bolǵan. Birneshe otbasy turyp jatqan ekiqabatty kottedjden órt shyqqan. Qyzmet babymen júrgen polıtseıler Janbolat Jaýtın men Amantaı Baıjanov órt shyqqan úıdi baıqap, dereý kómekke umtylady.
«Biz birden órt sóndirýshilerdi shaqyrdyq. Úı aldyndaǵy bıik qaqpa jabyq boldy. Qorshaýdan sekirip ótip, úıdiń syrtqy esigin buzdyq. Bizde basqa amal bolmady. Úıdiń shatyry janyp jatty, aınala kóktútin. Adamdardy oıatyp, dereý syrtqa shyǵara bastadyq. Órt kezinde biz de qolymyzdy kúıdirip alyppyz», - deıdi polıtsııanyń aǵa leıtenanty Janbolat Jaýtın.
Tártip saqshylary kottedjdegi 15 adamdy qutqaryp qaldy. Onyń ishinde 5 jasar bala bolǵan.
Kottedj ıesi Pavel ıAkovlev órtten aman alyp qalǵan polıtseılerge alǵys aıtty.
