Qostanaıda polıtseıdiń betin tyrnaǵan áıel sottaldy
ASTANA. QazAqparat - Polıtseıdiń betin tyrnaǵan Qostanaı turǵyny eki jylǵa bas bostandyǵynan aıyryldy. Bul týraly «QazAqparat» HAA tilshisi Qostanaı oblystyq sotynyń baspasóz qyzmetine silteme jasap habarlaıdy.
Іstiń materıaly boıynsha, 2016 jyldyń 22 jeltoqsan kúni Qostanaı qalalyq ІІB ońtústik polıtsııa bólimshesiniń kezekshi bólimine zeınetker qońyraý shalady. Ol óziniń páterinde qyzy men onymen birge turatyn azamattyń alkogoldik ishimdik iship, otbasylyq janjal shyǵarǵanyn habarlaıdy. Ýchaskelik polıtsııa ınspektory er kisiden polıtsııa beketine barýdy talap etedi, alaıda zań buzýshy kelispeıdi.
Osy ýaqytta zeınetkerdiń qyzy mas kúıinde polıtsııa qyzmetkerine bas salyp, onyń betin tyrnap tastaıdy.
Sottyń úkimimen áıel kisi kináli dep tanyldy. Oǵan probatsııalyq baqylaý túrinde eki jyl bas bostandyǵynan aıyrý jazasy taǵaıyndaldy.
