Qostanaıda pedofıl 17 jylǵa sottaldy
QOSTANAI. QazAqparat - Qostanaı oblysy qylmystyq ister boıynsha mamandandyrylǵan aýdanaralyq sotynda kámelettik jasqa tolmaǵan úsh qyzdy zorlaýǵa árekettengen oblys turǵynyna qatysty sot isi qaraldy, dep habarlaıdy QazAqparat tilshisi.
Іs materıaldary boıynsha, 40 jastaǵy Leonıd Kravtsov Pervomaı orta mektebinde jumys istep júrgende arsyz áreketke barǵan. Mýzyka pániniń muǵalimi ústimizdegi jyldyń 12 maýsymy kúni Mádenıet úıine úsh qyzdy aldap ákelgen. Sálden soń 6,7 jáne 10 jasar úsh oqýshynyń kıimderin sheshe bastaǵan. Alaıda 10 jasar qyz birden Mádenıet úıinen qashyp ketken. Keıin belgili bolǵandaı, Kravtsov qyzdardy pıanıno úıretýge jáne tyǵylmaq oınaýǵa shaqyrǵan.
Sot úkimimen pedofıl qylmys jasady dep aıyptalyp, QR QK «14 jasqa deıingi balany zorlaýǵa oqtalý» baby boıynsha 17 jylǵa bas bostandyǵynan aıyrý jazasy taǵaıyndaldy. Ol ómir boıy pedagogıka salasynda qyzmet isteý quqyǵynan aıyryldy.
Sondaı-aq, sot tóraǵasy Erlik Seralın sońǵy ýaqytta pedofılderdiń pármen alyp bara jatqanyn aıtty. Onyń sózinshe, sotta 22 jastaǵy Qostanaı qalasynyń isi qaralyp jatyr. Ol KJBI shaǵynaýdanynda kámelettik jasqa tolmaǵan balalardyń kózinshe sheshingen.
