Qostanaıda patrýldik mashınadan tabylǵan bala isin tekserip jatyr
ASTANA. QazAqparat - Qyzmettik avtokólikten kámeletke tolmaǵan balanyń tabylý faktisi men buǵan qatysy bar kúdiktini anyqtaýǵa baılanysty Qostanaı oblystyq ІІD-de qyzmettik tergeý bastaldy, dep habarlaıdy alau.kz Qostanaı oblystyq ІІD baspasóz qyzmetine silteme jasap.
Baspasóz qyzemtiniń deregi boıynsha, 19 qyrkúıekte saǵat 17:20-da Qostanaı ІІB JPQ jol-patrýldik polıtsııa batalonynyń qyzmetkerleri oblys ortalyǵyndaǵy Pavlov kóshesinde tonaýshylyq bolǵany týraly habarlama alǵan.
«Oqıǵa ornyna kelgen polıtseıler zardap shekken áıeldi jáne qylmystyń jalǵyz kýágerin anyqtaǵan - ol 10 jasar jasóspirim bolyp shyqty. Polıtseıler tonaýshylyqty áshkereleý úshin áıel men balany patrýldik avtomashınaǵa otyrǵyzyp, qylmys bolǵan aýdandy qaramaqshy bolǵan», - delingen ІІD baspasóz qyzmetiniń aqparatynda.
Oblystyq vedomstvoda atap ótkendeı, 7 mınýttan keıin polıtsııa qyzmetkerleri balanyń turǵylyqty mekenjaıyna kelip, ony ákesine tapsyrǵan. Sol kúni jedel-izdestirý sharalary barysynda polıtseıler 14 jasar kúdiktini anyqtady. Kámeletke tolmaǵan balany zańdy ókilinsiz jergilikti polıtsııa qyzmetiniń qyzmettik avtokóliginde bolý faktisi boıynsha qyzmettik tergeý júrgizilýde.
