Qostanaıda páter úshin kisi óltirýmen aınalysqan qylmystyq top quryqtaldy
Qostanaı oblysynyń aýdanaralyq mamandandyrylǵan sotyna 66 tomnan turatyn atyshýly qylmystyq is kelip tústi. Jaýapqa tartylatyn adamdardyń sany - 8 jáne olardyń árqaısysyna QR Qylmystyq kodeksiniń birneshe baby boıynsha aıyp taǵyldy.
Naqtyraq aıtqanda, olarǵa iri kólemde alaıaqtyq jasady, birneshe adamdy óltirdi, qylmystyq top qurdy, qujattardy urlap, adam saýdalady degen aıyp taǵylyp otyr, dep habarlady Qostanaı oblystyq sotynyń ókilderi.
Aıyp taǵylyp otyrǵan 8 azamattyń jastary 28 ben 51 aralyǵynda. Arasynda 30 jasar áıel azamat bar.
Qylmystyq topty 2007 jyly 43 jasar azamat qurǵan top ókilderi Qostanaıda 2015 jyldan beri áreket etip kelgen.
«Uıymdasqan top basshysyna páteri bar, alaıda, óziń áleýemettik jaǵynan az qamtamasyz etilmegen azamattar týraly, naqtyraq aıtqanda, múgedekter men ishkilikke salynǵan jáne osy sııaqty ózge de azamattar týraly aqparat kelip turǵan. Toptyń ár múshesiniń atqaratyn óz mindetteri bolǵan. Qylmyskerler áleýemtik jaǵynan álsiz bolyp tabylatyn azamattardyń páterlerin qylmystyq jolmen ózderiniń attaryna jazdyryp alyp otyrǵan. Túpkilikti maqsattary - ıelengen múlikterdi satyp baıý. Osy maqsat úshin olar adamdardy qorqytyp- úrkitip, qajet bolǵan jaǵdaıda qurban etip otyrǵan. Uıymdasqan topqa qatysty sot úkimi aldaǵy ýaqytta belgili bolady»,-dep habarlaıdy oblystyq sot ókilderi.
