Qostanaıda para alǵan 20 tártip saqshysy sottaldy
QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń oblystyq departamenti men «GrIn» Qostanaı oblysynyń Azamattyq Alıansy» qoǵamdyq qory birlesip kólik júrgizýshiler arasynda «Sybaılas jemqorlyqty toqtat!» atty aktsııa ótkizdi. Atalǵan shara barysynda qalanyń tehnıkalyq qyzmet kórsetý ortalyqtarynyń birine kelgen avtokólikterge «Para bermeımin!» jazýy bar japsyrmalar ilindi.
«Biz bul arqyly sybaılas jemqorlyqqa aparatyn is áreketterdi boldyrmaý jáne joldardaǵy quqyqbuzýshylyqtarǵa jol bermeýdi kózdeımiz. Osy maqsatta júrgizýshilerge túsindirý jumystary júrgizildi. Aktsııaǵa arnaıy monıtorıngtik top músheleri qatysty. Aktsııa qatysýshylarynyń kóbi para bergisi kelmeıtinin jáne keleshekte de ondaı qadamǵa barmaıtynyn aıtyp, sendirdi. Mine, osyndaı jobalar arqyly jemqorlyqtyń aldyn alýǵa bolady», - deıdi vedomstvonyń baspasóz hatshysy Aıda Bajırova.
2017 jyly departament ótkizgen sybaılas jemqorlyqqa qarsy monıtorıngke sáıkes, sottalǵan 55 adamnyń 20-sy nemese 36%-y ishki ister organdarynyń qyzmetkerleri bolyp shyqty. Aıda Bajırova aıtqandaı, tártip saqshylary tarapynan jol beriletin sybaılas jemqorlyq faktilerin azaıtý úshin mundaı aktsııalar aldaǵy ýaqytta da jalǵasyn tappaq.