Qostanaıda pandemııaǵa qarsy is-sharalarǵa 2,1 mlrd teńge bólindi
QOSTANAI. QazAqparat – Qostanaı oblysynda pandemııaǵa qarsy is-sharalarǵa 2,1 mlrd teńge bólindi. Bul týraly oblys ákimi Arhımed Muhambetov qala jáne aýdan ákimderimen ótken keńes barysynda málimdedi, dep habarlaıdy QazAqparat.
«2,1 mlrd teńge bizdiń medıtsınalyq mekemelerdi materıaldyq-tehnıkalyq qamtamasyz etýdi kúsheıtý úshin bólindi. Bul qarajat pandemııaǵa qarsy is-sharalarǵa tartylǵan dárigerler men medıtsına qyzmetkerleriniń qosymsha tólemine, ókpeni jasandy jeldetý apparattaryn, dezınfektsııalaý jáne qorǵaý quraldaryn satyp alýǵa jumsalady. Oblysqa ókpeni jasandy jeldetýdiń 41 apparaty jetkiziledi. Óńrde mundaı 3 qurylǵy bar. Biraó ıýqd tıisti qajettilikterdi jaba almaıdy», - dedi oblys ákimi keńes barysynda.
Pandemııaǵa qarsy is-sharalarǵa tartylǵan dárigerlerge 241 mln teńge qosymsha tólenedi. Tıisinshe, aq halattylar kezekshilik boıynsha kúndiz-túni jumys isteıdi. Oblysta ınfektsııaǵa qarsy sharalar úshin 695 tósek-oryn daıyndaldy.
Sonymen qatar 105 nysannyń qyzmeti toqtatyldy, onyń ishinde 21 saýda ortalyǵy, 23 oıyn-saýyq kesheni, 10 kınoteatr, 15 fıtnes-ortalyq, 4 túngi klýb jáne 32 basqa qoǵamdyq mekeme bar. 38 kıim-keshek bazarynyń jumysy shekteldi, olarda jumys tártibi saǵat 11.00-den 17.00-ge deıin belgilendi.
