Qostanaıda pandemııa kezinde tabysyn joǵaltqan turǵyndarǵa qarjylaı kómek berildi
Meńdiqara aýdanynda pandemııa kezeńinde daǵdarysqa tap bolǵan turǵyndardy qoldaý maqsatynda birqatar keshendi sharalar ázirlendi. Nátıjesinde kiristerin ýaqytsha joǵaltqan 4812 adam jalpy somasy 204 mln teńgege materıaldyq kómek aldy.
«Halyqtyń áleýmettik osal toptarynyń ishinen 1726 adamǵa 33,8 mln teńgege azyq-túlik, turmystyq jıyntyqtary úshin tólem berildi. 688 tutynýshynyń kommýnaldyq qyzmetterin tóleý úshin 20 mln teńgeden astam qarjy bólindi. «Biz birgemiz» qorynyń birjolǵy qarjylyq qoldaýymen 308 adam aqsha alsa, 253 otbasyna azyq-túlik sebetteri jetkizildi», - deıdi Nurlan Qatarbekov.
Óńirde indet taralǵan shaqta dárigerlerge salmaq túskeni belgili. Alaıda Meńdiqara aýdany bul qıyndyqqa tótep bere aldy. Aýdanda dáriger kadrlardyń tapshylyǵy joq. Tek 2 mamanǵa (ınfektsıonıst, oftalmolog) suranys jiberildi.
Bıyl aýdanǵa 4 jas dáriger keldi. Sondaı-aq «Dıplommen aýylǵa» baǵdarlamasy boıynsha 5 dárigerge turǵyn úı satyp alýǵa nesıe berildi.
«Materıaldyq-tehnıkalyq bazany nyǵaıtý úshin jalpy somasy 274 mln teńgege 4 ÝAZ avtomashınasy, JAC reanımobıli, jyljymaly medıtsınalyq keshen jáne medıtsınalyq jabdyq ákelindi. Sanıtarlyq-epıdemıologııalyq talaptardy oryndaý jáne bilim berý mekemeleriniń qyzmetkerleriniń densaýlyǵyn saqtaýdy qamtamasyz etý maqsatynda 12,5 mln teńgege dezınfektsııalyq quraldar, maskalar, sanıtaızerler, baılanyssyz termometrler, antıseptıkter jáne dızkovrıkter satyp alyndy. Pandemııa kezeńinde Meńdiqara aýdandyq aýrýhanasy 34000 maska, 178 lıtr antıseptık, 8 teplovızor, 10000 qolǵap, 1180 bir rettik qorǵanysh kostıým, 610 kóp rettik kostıým, 11 pýlsoksımetr satyp aldy. Aýdanda turaqty negizde 6 monıtorıngtik top jumys júrgizedi. Osy ýaqytqa deıin olar karantın rejıimin buzýdyń 119 deregin anyqtady. 230 materıal qaralyp, 9,6 mln. teńgege 155 hattama toltyryldy», - dep atap ótti aýdan ákimi.
