Qostanaıda ótken táýlikte tótenshe jaǵdaı rejımin buzǵan 45 adam ustaldy
«10 qańtarda ishki ister organdaryna TJ rejımin buzǵan 45 adam jetkizildi. Olardyń barlyǵyna qatysty ákimshilik materıal jıpnalyp, sotqa jiberildi. Qozǵalysty shekte maqsatynda respýblıkalyq jáne oblystyq mańyzy bar kúre joldarda 7 blokpost jáne Qostanaı qalasy shekaralarynyń perımetri boıynsha 7 blokpost qoıylǵan. Osy ýaqytqa deıin blokposttarda 12 164, al sońǵy táýlikte – 2563 kólik tekserildi», - dep túsindirip ótti komendatýradan.
Sondaı-aq, 5 qańtardan bastap polıtsııa departamentinde memlekettik, arnaıy jáne quqyqqorǵaý organdarynyń qatysýymen «Jaǵdaıat ortalyǵy» táýlik boıy jumys isteýde.
«Qostanaı oblysynyń komendatýrasy oblys ortalyǵyndaǵy qoǵamdyq tártip kúzetine kún saıyn polıtsııa jáne Ulttyq gvarıdııanyń áskerı qyzmetkerlerinen qurylǵan 26 patrýl kirisetinin habarlaıdy. Olardyń mándeti – TJ rejıminde qoǵamdyq tártipti qorǵaý. Jaıaý patrýlder kúsheıtilgen, olardyń baǵdarlaryna oblys ortalyǵynyń kósheleri, sonyń ishinde jekemenshik jáne kóppáterli turǵynúılerdiń aýlalary kiredi», - dep atap ótti komendatýradan.
Sondaı-aq, óńir polıtsııasy dúkenderde alkogol ónimderiniń satylýyna jol bermeý boıynsha sharalar qoldanýda.
Qostanaı qalasynda qoǵamdyq tártip kúzetinde polıtseılermen birge belsendi azamattyq ustanymyn tanytqan 50 erikti júr.
«Dos», «10-shy regıon» izdeý jasaqtarynyń eriktileri, «JQ» karaoke-barynyń ıesi jáne jekelegen tulǵalar birlesip, qyzmet atqaryp júrgenderge ystyq tamaq pen sýsyndar jetkizýdi uıymdastyrdy.
«Qyzyl aı jáne jarty aı» qoǵamynyń Qostanaı fılıalynan blokposttarda qyzmet júrgizip júrgen qyzmetkerlerdi sanıtaızerler, medıtsınalyq maskalar jáne tamaqpen qamtamasyz etý usynysy tústi, dep qosyp ótti komendatýradan.
Sońǵy táýlik ishinde Qostanaı qalasy polıtsııa basqarmasynyń JBO «102» pýltine qylmystar men quqyqbuzýshylyqtar týraly 341 habarlama kelip tústi.
Olardyń arasynda aýyr qylmys tirkelgen joq.
