Qostanaıda ósimdik maıyn óńdeıtin zaýyt iske qosylady
QOSTANAI. QazAqparat - Ústimizdegi jyldyń jeltoqsan aıynda Fedorov aýdanynyń Kopychenka aýylynda jylyna 47 myń tonna ósimdik maıyn shyǵaratyn zaýyt paıdalanýǵa beriledi, dep habarlady «QazAqparat» HAA tilshisi.
Fedorov aýdanynyń əkimi Təýba Isabaevtyń aıtýynsha, zaýyttyń qurylysy qarasha aıynda aıaqtaldy.
«Bul ınvestıtsııalyq joba aldaǵy aıda iske qosylady. Tseh jylyna 7000 tonnaǵa deıin rafınadtalǵan ósimdik maıyn óndiredi. Germanııada jasalǵan qurylys materıaldaryn paıdalandyq. Al qural-jabdyqtar Italııadan ákelindi. Keıinirek ony ekstraktsııalaýdy josparlap otyrmyz. ıAǵnı, maıly tuqymdardy hımııalyq jolmen óńdeımiz»,- deıdi T. Isabaev.
Zaýyt jergilikti shıkizattan tabıǵı taza ónim shyǵarady. Óndiris tolyq avtomattandyrylǵan. Kásiporynda barlyǵy 12 adam eńbek etetin bolady.
«Salqyn kúıde syǵymdaý arqyly maı shyǵaramyz. Qazaqstan, Ózbekstan, Tájikstanǵa jiberemiz. Qytaıǵa shyǵý da josparda bar. Ony ýaqyt kórsetedi. Suranys bar, shıkizat jetkilikti. Sondyqtan kásiporyn óndiris aıasyn keńeıtýdi qolǵa aldy», - deıdi sharýashylyq quryltaıshysy Muhambetjan Aqulov.
Aýdan ákiminiń sózine súıensek, zaýyttyń endigi mejesi - eksportty eseleý. Bul joba kásipkerlikti qoldaý Kartasyna engizildi. Onyń jalpy quny - shamamen eki mıllıard teńge.
