Qostanaıda ósimdik qaldyqtarymen janatyn pesh qurastyryldy
QOSTANAI. QazAqparat - Qostanaıda jylý qazandyqtaryn shyǵaratyn kásiporyn elimizde balamasy joq jańa ónim túrin usynyp otyr, dep habarlaıdy «QazAqparat» HAA.
«QostanaıStroıServıs» JShS mamandary qurastyrǵan temir peshtiń basty ereksheligi - kómir men aǵash, gazdan bólek, ósimdik qaldyqtarymen de janady.
Bul ekonomıkalyq jáne ekologııalyq jaǵynan asa tıimdi»,- deıdi kásiporynnyń aǵa sheberi Valerıı Shtebner.
«Astyqty óńirde maıly daqyldardyń sabany negizinen egistik alqaptarynda órteledi. Sebebi onyń shirýi uzaq jáne tyńaıtqysh retinde tıimdiligi shamaly. Osyny eskerip, qýraýǵa jaqyn sabandardy iske jaratýdyń amalyn qarastyra bastadyq. Nátıjesinde ósimdik qaldyqtaryn jaǵatyn qazandyq qurastyryp otyrmyz», - deıdi ol.
Peshke saban jaǵý úshin qosymsha jel úrlegish qondyrǵy ornatylǵan.
«Ósimdik qaldyqtary kómirge qaraǵanda 5-6 ese arzanǵa túsedi. Ekologııalyq jaǵynan da taza. Qońsy ıis shyqpaıdy. Táýlik boıyna 2 tonna saban 8 myń sharshy metrdi jylytady. Odan qaldy, bul peshte tezek, qus sańǵyryǵy sııaqty túrli aýyl sharýashylyǵy qaldyqtary da jaqsy qyzý beredi», - dedi kásiporyn qyzmetkeri Aleksandr Pavlovskıı.
Qazir kásiporyn jylytý aýmaǵyna baılanysty balamaly otyn energııasyn paıdalanatyn ámbebap peshtiń osyndaı tórt túrin shyǵarady.
