Qostanaıda órtenip jatqan úıden qutqarýshylar sábıdi aman alyp shyqty
QOSTANAI.QazAqparat – Qostanaı oblysynda órtenip jatqan úı ishinen sábı qutqaryldy, dep habarlaıdy QazAqparat oblystyq TJD baspasóz qyzmetine silteme jasap.
Vedomstvo málimetinshe oqıǵa búgin saǵat 11:00 shamasynda Qostanaı qalasyndaǵy Chkalov kóshesindegi úıdiń birinde bolǵan. Órt sóndirýshiler kelgen kezde páter ishindegi jıhazdar janyp jatqan.
«Órt 15 sharshy metr aýmaqty sharpydy. Saǵat 11:34-te tolyqtaı sóndirildi. Órtenip jatqan úı ishinen bir sábı qutqaryldy. Barlyǵy 12 adam evakýatsııalandy. Oqıǵa ornyna 4 tehnıka jumyldyryldy. Órt sóndirýshilerdi júıeli is-áreketiniń arqasynda zardap shekkender bolmady» - delingen TJD-nyń aqparattyq habarlamasynda.
Órttiń naqty sebepteri men shyǵyndary anyqtalýda. TJD turǵyndarǵa qaýipsizdik sharalaryn barynsha saqtaýǵa shaqyrady.
