Qostanaıda órtenip jatqan úıden 3 gaz ballony shyǵaryldy

QOSTANAI.QazAqparat – Qostanaı qalasynda órtenip jatqan úıden 3 gaz ballony shyǵaryldy, dep habarlaıdy QazAqparat tilshisi.

Aqparatty oblystyq TJD baspasóz qyzmeti taratty. Oqıǵa búgin saǵat 12:00 shamasynda Qostanaı qalasynyń Chekmareva kóshesinde bolǵan.

«Jeke úı órtendi. Qutqarýshylar úı ishinen 3 gaz ballonyn alyp shyqty. Órt 120 sharshy metr aýmaqty sharpydy, jalyn saǵat 14:00 shamasynda tolyǵymen sóndirildi. Oqıǵa ornynda jeke quramnyń 22 órt sóndirýshisi men 5 arnaıy tehnıka jumys istedi. Órttiń shyǵý sebebi anyqtalyp jatyr. Qaza bolǵandar men zardap shekkender joq», - deıdi vedomstvonyń baspasóz hatshysy Ýálıhan Dosanov.

Qostanaı oblysynyń TJD turǵyndardy órt qaýipsizdigi erejelerin qatań saqtaýǵa shaqyrady.