Qostanaıda órtengen úıden er adamnyń múrdesi tabyldy, kúdiktiler ustaldy

QOSTANAI. QazAqparat – Jitiqara polıtseıleri er adamdy óltirdi degen kúdikpen eki adamdy ustady, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.

14 qarasha kúni Jitiqara aýdanynyń polıtsııa bóliminiń «102» pýltine órt sóndirýshilerden úıdegi órtti sóndirý kezinde belgisiz er adamnyń denesi tabylǵany týraly habar tústi.

«Oqıǵa ornyna jedel tergeý toby jiberildi. Ol jerden polıtseıler kúıip ketken er adamnyń denesin tapty. Qyzmetkerler onyń 33 jastaǵy Jitiqara qalasynyń turǵyny ekenin anyqtady. Sot-medıtsınalyq saraptamanyń qorytyndysy er adamnyń denesinde adam ómirine qaýipti dene jaraqattary bar ekenin kórsetti», - dep túsindirdi polıtsııadan.

Vedomstvo sot aldy tergeýdiń basqa derekteriniń QR Qylmystyq is júrgizý kodeksiniń 201-babyna sáıkes jarııalanbaıtynyn málim etti.

Avtory: Janna Musabaeva