Qostanaıda órtengen úı ornynan adam múrdesi tabyldy
QOSTANAI. QazAqparat - Uzynkól aýdanynda turǵyn úı órtenip, adamnyń múrdesi tabyldy, dep habarlaıdy QazAqparat oblystyq ІІD baspasóz qyzmetine silteme jasap.
Belgili bolǵandaı, órt sóndirýshiler 30 qańtarda Presnogorkov selosynda órtengen turǵyn úı ornynan adamnyń kúıgen denesin tapty.
«Presnogorkov aýylynda aýmaǵy 100 sharshy metr turǵyn úıdiń órtengeni týraly habar tústi. Órt 30 qańtar kúni saǵat 00.15-te tolyqtaı sóndirildi. Úı ornynan órtengen adamnyń denesi tabyldy», - delingen TJD baspasóz qyzmeti taratqan habarlamada.
Qazir kóz jumǵan turǵynnyń jynysy anyqtalýda. Órttiń shyǵý sebepteri belgisiz.
