Qostanaıda órtengen qoımadan gaz ballondary shyǵaryldy
QOSTANAI. QazAqparat - Qostanaıdaǵy «Soltústik» óndiristik aımaǵynda órt shyqty, dep habarlaıdy QazAqparat tilshisi.
Oblystyq TJD baspasóz hatshysy Merýert Balǵına habarlaǵandaı, qyzyl jalyn týraly aqparat saǵat 15:24-te kelip tústi.
«Búgin saǵat 15:20 shamasynda «Soltústik» óndiristik aımaǵyndaǵy «Qazvtorchermet» AQ tıesili qoımadan órt shyqty. Qoıma aýmaǵy - 5000 sharshy metr. Aldyn ala boljam boıynsha, bıtým (shaıyr) tutanǵan. 3 gaz ballonyn qaýipsiz jerge kóshirdik. Eshqandaı jarylys bolǵan joq», - dedi baspasóz qyzmetindegiler.
Órt 16:08-de sóndirildi. Zardap shekkender joq.
