Qostanaıda órt sóndirýshilerdiń kóligi jeńil kólikpen soqtyǵysty
QOSTANAI. QazAqparat - Qostanaıda órt sóndirýshi kólik «Nıva» markili jeńil kóligimen soqtyǵysyp, 3 adam zardap shekti, dep habarlaıdy QazAqparat.
Oblystyq Polıtsııa departamentiniń baspasóz qyzmetiniń habarlaýynsha, jol-kólik oqıǵasy ál-Farabı men Chehov kósheleriniń qıylysynda bolǵan.
«Kezekshiliktegi órt sóndirýshi kólik pen «Nıva» kóligi soqtyǵysty. Órt sóndirýshiler Qostanaı-2 aýdanyndaǵy jeke ıeliktegi úıdiń órtin sóndirýge ketip bara jatqan. Kólik Chehov kóshesimen Taran kóshesine qaraı jyljyp bara jatyp, ózge kólikterdiń ózine jol bergenine kóz jetkizbestan jolǵa shyǵyp ketken. Sóıtip, «Nıva» markili kóligimen soqtyǵysty»,-dep málimdedi departament ókilderi.
Jol apatynyń saldarynan 3 adam túrli dene jaraqattaryn alyp, aýrýhanaǵa jatqyzyldy.
Foto: Alau.kz
