Qostanaıda órt shyqqan páterden anasy men eki balasy qutqaryldy

ASTANA. KAZINFORM — Qostanaıda TJM qutqarýshylary tútin basqan páterden anasy men onyń eki balasyn alyp shyqty, dep habarlaıdy oblystyq TJD baspasóz qyzmeti.

Oqıǵa 9-shy shaǵyn aýdandaǵy kóppáterli turǵyn úılerdiń birinde boldy. Altynshy qabatta as úı bólmesinde plıtadaǵy maı janyp, ot jıhazǵa taraǵan, saldarynan páterdi tolyǵymen qalyń tútin basty.

Vedomstvo málimetinshe, qorqyp qalǵan áıel balalarymen birge bólmege kirip, esikti jaýyp, óz betinshe qaıtadan esikti ashyp, shyǵa almady. Kómekke kelgen TJM qyzmetkerleri esikti syndyryp qutqarý kapıýshondaryn paıdalana otyryp, páterden úsh adamdy, onyń ishinde eki balany shyǵardy.

— Jedel-qutqarý jasaǵynyń qyzmetkerleri qutqarylǵandardy dalada kútip alyp, olardy dárigerlerge tekserýge tapsyrdy. Medıtsınalyq kómek qajet bolǵan joq. Zardap shekkender joq, — delingen habarlamada.

Budan buryn Almatyda úsh qabatty ǵımarat shatyryndaǵy órt 200 sharshy metr aýmaqty sharpyǵanyn jazǵanbyz.