Qostanaıda órt aýmaǵynan 400 gaz ballony shyǵaryldy
ASTANA. KAZINFORM – «Qostanaı – Vvedenka» avtojolynda júk kóliginiń tirkemesi órtenip, oqıǵa ornynan 400 gaz ballony qaýipsiz jerge shyǵaryldy, dep habarlaıdy QR Tótenshe jaǵdaılar mınıstrligi.
Órt «Tekstılşık-1» baý-baqsha qoǵamy aýmaǵynda bolǵan. Júk kóligi tirkemesindegi órttiń jalpy aýmaǵy 7 sharshy metrdi qurady.
Tótenshe jaǵdaılar mınıstrliginiń málimetinshe, qutqarýshylar shaqyrtý ornyna jedel jetip, órtti sóndirýge kirisken.
– Órt tolyq sóndirildi. TJM kúshteri órt aýmaǵynan árqaısysynyń kólemi 27 lıtr bolatyn 400 bos gaz ballonyn qaýipsiz jerge shyǵardy, – delingen mınıstrlik habarlamasynda.
Oqıǵa saldarynan zardap shekkender joq.
Buǵan deıin ShQO mektepterinde órt qaýipsizdigi talaptaryn buzýdyń 2400-ge jýyq faktisi tirkelgeni habarlanǵan edi.
