Qostanaıda orman ishinen er adamnyń múrdesi tabyldy
QOSTANAI. QazAqparat - Qostanaı oblysynda orman alqabynan 56 jastaǵy er adamnyń denesi tabyldy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Oqıǵa 7 qarasha kúni Taran aýdanynda bolǵan. Polıtsııanyń kezekshi bólimine jergilikti JShS nysany mańynan er adamnyń múrdesi tabylǵany habarlandy.
«Jedel-iz kesý sharalary barysynda 56 jastaǵy turǵylyqty mekenjaıy joq er adamnyń múrdesi anyqtaldy. Polıtseıler úsh táýlik ishinde 37 jastaǵy kúdiktini ustady. Ol ishimdikke mas kúıinde jábirlenýshini uryp-soǵyp, denesin orman alqabyna tastaǵanyn moıyndady», - deıdi vedomostvonyń baspasóz qyzmetindegiler.
Qazirgi ýaqytta atalǵan fakt boıynsha QR QK 99-babymen sotqa deıingi tergep-tekserý sharalary júrgizilip jatyr.
