Qostanaıda orman alqaby órtenip, júk kóligi janyp ketti
QOSTANAI. QazAqparat - Qostanaı oblysynyń birneshe sharýashylyq alqabynan órt shyqty, dep habarlaıdy QazAqparat oblystyq TJD baspasóz qyzmetine silteme jasap.
«Qostanaı aýdanynda «Altyn-Gúl» balalar lageriniń janynda «Prıgorodnoe» KMM aýmaǵynda qaraǵaıly orman jandy. Órt 30 ga alqaptty sharpyǵan. Ormannyń jalpy aýdany 19 myń ga quraıdy», - delingen vedomstvo taratqan habarlamada.
Orman alqabynda órt saldarynan «GAZ-66» júk kóligi janyp ketti. Órttiń naqty sebepteri anyqtalýda.
5 mamyrda Jitiqara aýdanyndaǵy «Mıchýrınets» baqsha qoǵamynda qurǵaq shóp tutanyp, 20 gektar jerdi órt sharpydy. Ol órshı kele saıajaı úılerine tıgen. Uzyn sany 72 úı tilsiz jaý qursaýynda qalǵan. Abyroı bolǵanda, japa shekken adamdar joq. Órttiń sebebi anyqtalýda.
Osyǵan uqsas oqıǵa Lısakov qalasynyń «Ýrojaınyı-2» baqsha qoǵamynda boldy. Munda 16 saıajaı úı órtengen. Alaý sharpyǵan aýqym - 96 sharshy metr. Zardap shekkender joq.
