Qostanaıda oraq naýqany aıaqtaldy
QOSTANAI. QazAqparat - Qostanaı dıqandary kúzgi jıyn-terim jumystaryn bitirdi, dep habarlaıdy QazAqparat tilshisi .
Óńirde 2 qazan kúni oraq naýqany 100 paıyzǵa aıaqtaldy. Bıyl kóktemde oblys sharýalary 4,2 mln gektarǵa dán ekken. Dala jumystaryna 75 myń tonna dızeldik otyn bólinip, 11 myń tehnıka jumyldyryldy. Dıqandar áýelgi kezekte arpa jáne zyǵyrdy orýdan bastady. «Belozerka-2030», «Sadchıkovskoe», K. Marks atyndaǵy sharýashylyq, «Estaev», «Pavlovskıı» sharýa qojalyqtary bıylǵy jyly edáýir ónimge qol jetkizidi.
Jalpy, oblystyq aýyl sharýashylyǵy basqarmasynyń málimetinshe, bıyl 5 mln 225,3 myń tonna astyq jınalǵan. Ortasha túsim gektaryna 12,5 tsentnerden keledi.
Bıyl óńirde alqaptardyń basy bóligine 4 192,8 myń gektarǵa ıaǵnı 80,7 paıyzyna astyq jáne maıly daqyldar egildi. 641,2 myń ga (12,3%) - jemdik, 351,3 myń ga (6,7%) - maıly daqyldar, 8,9 myń ga (0,2%) - kartop, 2,8 myń ga (0,1%) alqaptan kókónis jáne baqsha daqyldary alyndy.
Aıta keteıik, byltyr 4 mln 535,9 myń tonna astyq bastyrylǵan edi.
