Qostanaıda oqýshylar tamaqtanatyn oryndar qatań baqylanady
QOSTANAI. QazAqparat - Jyl basynan beri Qostanaı oblysy Qoǵamdyq densaýlyq saqtaý departamenti mekemelerge 45 mln teńge kóleminde aıyppul saldy, dep habarlaıdy QazAqparat tilshisi.
Qazir departamenttiń baqylaýynda oblys boıynsha 7823 nysan bar. Onyń ishindegi 1905 mekemede densaýlyq saqtaý talaptary durys saqtalmaǵan.
«2017 jyldyń 9 aıynda Qoǵamdyq densaýlyq saqtaý departamenti túrli saladaǵy mekemelerge 45 513 879 teńge somasyndaǵy 1110 aıyppul saldy. Bul byltyrǵy jylmen salystyrǵanda 1,7 esege kem. Buǵan bıylǵy sanıtarlyq tekseris kóleminiń kúrt azaıýy sebep bolýy múmkin», - dedi departament basshysy Oral Bekmaǵambetov.
Onyń sózinshe, búginde bilim basqarmasyndaǵy sanıtarlyq normalar qaıta qaraýdy talap etedi. Bıyldan bastap oqýshylardyń tamaqtaný júıesine bilim basqaramalary men bólimderi jaýap beredi. Aıta ketý kerek, osy ýaqytqa deıin bul ispen Qoǵamdyq densaýlyq saqtaý departamenti qyzmetkerleri aınalysyp kelgen.
Jıynǵa qatysqan oblys ákimi mektep oqýshylarynyń tamaqtaný normasyn qatań baqylaýda ustaýdy tapsyrdy.
«Negizinen mektep ashanalaryn jeke kásipkerler jalǵa alyp otyr. Qazirgi kezde sanıtarlyq tekseris azaıǵan soń, olar da durys mán bermeýi múmkin. Sol sebepti, ashanalardy senimdi fırmalarǵa tapsyryńyzdar. Keıin másele týyndamas úshin muny oblystyq bilim basqarmasy baqylaýyna ustasyn!» - ded Arhımed Muhambetov.
Oral Bekmaǵambetovtiń aıtýynsha, oblysta sanıtarlyq erejeler kólemi 63-ke deıin qysqardy. Onyń ishindegi 6 ereje qaıta qaralyp, 29-y tolyǵymen ózgerdi. Jyl aıaǵyna deıin taǵy 11 sanıtarlyq normaǵa tolyqtyrýlar engizilýi múmkin.
