Qostanaıda oblystyq aýrýhana órtendi
QOSTANAI. QazAqparat - Qostanaıdaǵy oblystyq aýrýhanada órt tutandy, dep habarlaıdy QazAqparat tilshisi oblystyq tótenshe jaǵdaılar departamentiniń baspasóz qyzmetine silteme jasap.
«Búgin 10:07-de Qostanaı oblystyq aýrýhanasynyń 8 qabatty ǵımaratynda órt tutanǵany týraly aqparat keldi. Altynshy qabatta ornalasqan neırohırýrgııa bólimi meńgerýshisiniń kabıneti órtengen. Jalyn 2 sharshy metrdi sharpyǵan», - dep málimdedi baspasóz qyzmeti.
Órt saldarynan 29 adam qaýipsiz jerge kóshirildi. Abyroı bolǵanda, adam shyǵyny joq, eshkim zardap shekpegen.
Oqıǵanyń mán-jaıy tekserilip jatyr.
