Qostanaıda nóser jaýynnan keıin áýejaıdyń birinshi qabatyn sý basty

QOSTANAI. QazAqparat – Keshe Qostanaıda qatty jańbyr jaýyp, halyqaralyq áýejaı ǵımaratynyń birinshi qabatyn ishinara sý basty, dep habarlaıdy QazAqparat.

Bul vıdeo jelide jarııalanyp, birden qala turǵyndarynyń narazylyǵyn týdyrdy. Óıtkeni, áýejaı jaqynda ǵana qaıta jóndeýden keıin esigin aıqara ashqan edi.

«Jóndeý jaqynda ǵana júrgizigen, nátıjesi mine. Buǵan jaýapty adamdardy dereý shaqyryp, jaýapqa tartý kerek. Uıat jaǵdaı», – dep jazdy vıdeonyń astyna qalanyń Natalıa esimdi turǵyny.

«Jóndeý jumystaryn júrgizgen túri», - dep jazdy Andreı esimdi qoldanýshy.

Áýejaıdyń habarlaýynsha, sý tasqynyna nóser jaýyn sebep bolǵan.

Jańbyr saldarynan nóser kanalızatsııasy tolyp, ushý zalyn sý basqan. Qazirgi kezde qolaısyz aýa raıy saldary joıyldy.

Bul Qostanaı áýejaıyna qatysty birinshi oqıǵa emes. Naýryz aıynyń basynda jelide Qostanaı áýejaıynyń rekonstrýktsııadan keıingi vıdeosy tarady, onda adamdardyń baspaldaqpen kóterilip, qabyrǵaǵa bir-aq tireletini túsirilgen.

Áýejaı basshylyǵy buny ǵımaratta jóndeý jumystary, jobalaý sheshimderiniń tolyq aıaqtalmaǵanymen túsindirdi. Keıinnen qabyrǵada esik ornatylǵan.

Vıdeodan alynǵan kadr