Qostanaıda názik jandar kólikpen jarysty
QOSTANAI. QazAqparat - Halyqaralyq áıelder kúni merekesi qarsańynda Qostanaı oblysynyń jastar resýrstyq ortalyǵy avtosherý uıymdastyrdy, dep habarlaıdy QazAqparat tilshisi.
Mereke qarsańyndaǵy avtosherýge tek qana názik jandylar qatysty. Avtosherý Jeńis parkinen bastalyp, «Astyqjan» saýda ortalyǵynda márege jetti. Іs-sharanyń sharty boıynsha boıjetkender jol qozǵalysy erejelerin saqtap, márege birinshi jetýi tıis. Nátıjesinde, barlyq talaptardy oryndaǵan Ekaterına Kojevına jeńiske jetti. Ol Lada Kalina kóligin tizgindegen bolatyn.
Sondaı-aq, Anna Zaharchenko, Bıbigúl Hasen, Aqsholpan Haırýllına syndy názik jandylar úzdik kórsetkishterge qol jetkizdi.
«Avtosherýge qatysqan 21 arýdyń kóligi tehnıkalyq talaptarǵa saı boldy. Olar márege deıin jol-patrýldik polıtsııasy qyzmetkerlerimen birge júrdi. Ár qatysýshy avtokólikti ózderiniń qalaýy boıynsha bezendirdi», - dedi Qostanaı oblysy jastar resýrstyq ortalyǵynyń dırektory Aıgúl Abdýlına.
Jastar ortalyǵy taratqan habarlamaǵa qaraǵanda, mundaı avtosherýler endi dástúrli túrde ótkiziledi.
