Qostanaıda naýqas shabýylynan aýyr jaraqat alǵan dáriger jansaqtaý bólimine jatqyzyldy

ASTANA. KAZINFORM - Qostanaı oblystyq aýrýhanasynyń jedel járdem qabyldaý bólminde naýqas hırýrgke shabýyl jasady, dep habarlaıdy Kazinform.

Oblystyq aýrýhanada tótenshe jaǵdaı boldy. Jedel járdem bólmesinde tekserý kezinde naýqas hırýrgke shabýyl jasady. Dáriger jansaqtaý bólimine jatqyzyldy.

Oblystyq aýrýhananyń baspasóz qyzmeti kezekti operatsııany aıaqtaǵan dáriger kezekte turǵan naýqastardy qaraý úshin jedel járdem bólmesine túsken.

Kezegin kútip turǵan naýqastardyń biri janjal shyǵarǵan. Aldyn ala málimet boıynsha, úshinshi kezekte turǵan er adam dárigerge shabýyl jasap, soqqyǵa jyqqan. Sodan keıin dáriger esin joǵaltqan. Qazirgi ýaqytta ol aýyr halde jansaqtaý bólimine jatqyzyldy. 

Oqıǵa ornynda polıtsııa qyzmetkerleri jumys istep jatyr. Tergeý sharalary júrgizilýde, oqıǵanyń mán-jaıy jaqyn ýaqytta anyqtalady. 

Oblystyq aýrýhananyń baspasóz qyzmeti bul oqıǵa jaı oqys oqıǵa emes, kún saıyn adam ómirin qutqaratyn kásip ókilderine jasalǵan qylmys dep baǵalanatynyn basa aıtty.

Buǵan deıin Qaraǵandy oblysynda er adam dárigerlerge shabýyl jasaǵan bolatyn.