Qostanaıda muz jarý jumystary bastaldy
QOSTANAI. QazAqparat - Qostanaı oblysynda tasqynǵa qarsy daıyndyq sharalary aıasynda muz jarý jumystary bastaldy, dep habarlaıdy QazAqparat.
Oblystyq TJD baspasóz qyzmetinen habarlaǵandaı, muz jarý jumystary seń júrý bastalǵanǵa deıin júrgizilýi tıis. Sondaı-aq, ol sý tasqyny qaýpiniń aldyn alý úshin qajet.
«Alǵashqy jarý jumystary 30 naýryz kúni Qarasý ózeninde bastaldy. Osy jumystar kelesi kúni Qarasý aýdanyna qarasty Zelenov jáne Vostok ózenderinde jalǵasty. Tasqynǵa qarsy bul sharalar ózen arnasyn muz bitep qalmaýy, muzdy qopsytý, seń keptelisterin boldyrmaý jáne tasqyn sýlardy apattyq jaǵdaılarsyz jiberý maqsatynda júrgizildi. Osy tusta balyqshylardy kóktemgi muzǵa shyqpaýǵa, ómirlerin táýekelge tikpeýge shaqyramyz», - dedi vedomstvo ókilderi.
Aıta keteıik, Qarasý aýdanynda 8900 tekshe metr muz jaryldy. Muzdyń ortasha qalyńdyǵy 1 metrdi qurady. Barlyǵy 116 uńǵyma qazyldy.
Jýyrda Taran selosynyń mańyndaǵy Aıat ózeniniń alańynda jáne Jankeldın aýdany ózenderinde birneshe jarylys ótkizilmek.
