Qostanaıda múgedek sportshylar arasynda badmıntonnan QR chempıonaty ótti
QOSTANAI. QazAqparat - Qostanaıda múgedek sportshylar arasynda badmıntonnan respýblıkalyq chempıonat ótti, dep habarlady «QazAqparat» HAA tilshisi.
Jarysqa Qazaqstannyń 6 óńirinen múmkindigi shekteýli sportshylar qatysty. Chempıonat Qostanaı oblystyq múgedekter sport klýbynyń qoldaýymen uıymdastyryldy.
Oblystyq Sańyraýlar qoǵamynyń tóraǵasy Vladımır Voronınniń aıtýynsha, kúshti komandalardy aıqyndaýdan basqa, chempıonatta «Eń jas sportshy», «Eń sheber sportshy», «Jeńiske degen jiger» nomınatsııalarynda jeńimpazdar anyqtaldy. Jarys jeńimpazdary Almatylyq sportshylar bolsa, ekinshi oryndy qostanaılyqtar ıelendi.
