Qostanaıda mototsıklshi qarııany qaǵyp, qashyp ketti
QOSTANAI. QazAqparat - Qostanaıda jaıaý júrginshiler jolynan qarııany soǵyp ketken mototsıklshi izdestirilýde, dep habarlaıdy QazAqparat.
Jol-kólik oqıǵasy 25 qyrkúıekte saǵat 20.00 shamasynda bolǵan. Kýágerlerdiń aıtýynsha, Abaı-Arystanbekov kósheleri qıylysyndaǵy jaıaý júrginshiler jolynan ótip bara jatqan qarııany qatty jyldamdyqpen kele jatqan mototsıkl soqqan. Jaraqat alǵan zeınetker qalalyq aýrýhanaǵa jetkizildi.
«70 jastaǵy er adamnyń eki aıaǵynyń tobyǵy synǵan. Zardap shegýshige ota jasaımyz», - dedi Qostanaı qalalyq aýrýhanasynyń bólim meńgerýshisi Maral Ábilqasymov.
