Qostanaıda monsha órtenip, bir adam kóz jumdy
QOSTANAI. QazAqparat - Qostanaı oblysynda 7 jasar qyz ystan ýlandy, dep habarlaıdy QazAqparat oblystyq TJD baspasóz qyzmetine silteme jasap.
Áýlıekól aýdanynyń Qusmuryn kentinde bolǵan turǵyn úı órtinen 7 jasar qyz zardap shekti.
«Jeke turǵyn úı sektorynda 20 sharshy metr aýmaqta jıhaz órtendi. «Kómirqyshqyl gazymen ýlaný» dıagnozymen aýdandyq aýrýhanaǵa 2012 jyly týǵan qyz jetkizildi», - delingen TJD habarlamasynda.
Aýdandyq aýrýhanada habarlaǵandaı, qazir balanyń jaǵdaıy aýyr. Órttiń naqty sebebi anyqtalýda. Aldyn ala boljam boıynsha, balalar órt shyǵaryp oınaǵan.
TJD baspasóz qyzmetiniń málimetine súıensek, qyz atasymen birge turǵan. Atasy jumystarymen syrtqa shyǵyp, nemeresin birneshe saǵat boıy úıde qaldyryp ketken.
Taǵy bir órt Qostanaı qalasynyń mańyndaǵy saıajaı qoǵamynda boldy.
«Jeke turǵan monsha tolyǵymen janyp ketti. Órt ornynda 1981 jyly týǵan er adamnyń denesi tabyldy. Órttiń aldyn ala sebebi - temeki shegý kezinde otty abaısyz qoldaný», - dep habarlady vedomstvodaǵylar.
