Qostanaıda memleket menshigindegi qyzmettik kólikterdiń sherýi ótti
QOSTANAI. QazAqparat - Qostanaıda «Qyzmettik kólik - qyzmettik maqsat úshin» atty memlekettik qyzmetshilerdiń avtosherýi uıymdastyryldy, dep habarlaıdy QazAqparat tilshisi.
Mundaı aýqymdy shara oblysta birinshi ret ótkzilip otyr. QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qostanaı oblysy boıynsha departamenti muryndyq bolǵan aktsııaǵa oblystyń barlyq aýdan, qalalarynan avtokólikter ákelindi.
«Qazirgi kezde memlekettik avtokólikterdiń tek qyzmettik maqsatta paıdalanylýy boıynsha birneshe sharalar uıymdastyryp jatyrmyz. Arnaıy tirkeý belgisi bolmasa, kópshilik memlekettik kóliktiń qandaı mekemege tıesili ekenin bile bermeıtinin aıta ketý kerek. Sondyqtan aldaǵy ýaqytta memleket menshiginde turǵan kólikterge erekshe belgiler ilinýi tıis», - dep atap ótti departament basshysynyń orynbasary Erlan Salyqbaev.
Avtosherýge 22 memlekettik kólik qatysty. Olardyń barlyǵyna memlekettik organnyń ataýy, senim telefony jáne arnaıy belgileri jabystyrylǵan.
Uıymdastyrýshylardyń aıýynsha, mundaı aktsııalar áýeli turǵyndar úshin qajet. Olar kez kelgen sátte kóliktiń qaı organǵa tıesili ekenin bile alady.
