Qostanaıda mektep oqýshysy jol apatyna kináli dep tanyldy
QOSTANAI. QazAqparat - Qostanaı qalasynyń ákimshilik soty Nazarbaev zııatkerlik mektebiniń oqýshysyna qatysty isti qarady, dep habarlaıdy QazAqparat tilshisi.
Іs materıaldaryna súıensek, 17 jastaǵy Arýna esimdi oqýshy qyz ápkesiniń kóligin aıdap ketken. Keıin anyqtalǵandaı, onyń júrgizýshi kýáligi bolmaǵan.
«Mektep oqýshysy «Nıssan» kóligimen Gagarın kóshesinde kele jatyp, Chekmarev kóshesine burylmaqshy bolady. Degenmen, negizgi jolda kele jatqan «VAZ-21099» kóligine jol bermeı, ony soqqan. Sóıtip, zardap shegýshige materıaldyq zalal keltirdi», - dep málim etti qalalyq sottan.
Al Arýnanyń ózi sotqa kelmedi. Onyń týystary «VAZ-21099» kóliginiń ıesine shyǵyn kólemin ótegen.
Sot zııatkerlik mekteptiń oqýshysyna tárbıelik yqpal etý sharalaryn qoldana otyryp, ákimshilik jaza taǵaıyndady. Oǵan quqyqbuzýshylyqty qaıtalamaý maqsatynda túsindirý jumystary júrgiziledi.
