Qostanaıda mektep oqýshylary aptanyń sońyna deıin onlaın oqıtyn boldy

ASTANA. KAZINFORM — Bul sheshimdi jergilikti bilim bólimi qabyldaǵan, dep habarlaıdy Kazinform agenttiginiń tilshisi.

Buǵan deıin qashyqtan oqý formaty 3 jeltoqsanǵa deıin uzartylǵan edi.

— Syrqattanýshylyqty monıtorıngteý nátıjesinde Qostanaı qalasyndaǵy 37 jalpy bilim beretin mekteptiń barlyǵynda oqý aptanyń sońyna deıin, 5 jeltoqsanǵa deıin qashyqtan jalǵasady degen sheshim qabyldandy. Bul bilim berý protsesine qatysýshylardyń barlyǵynyń qaýipsizdigi men densaýlyǵyn saqtaýǵa múmkindik beredi, — dep málimdedi vedomstvo.

Kolledjderde 2,5 myńnan astam stýdent (jalpy sanynyń 11%-y) emdelip jatyr. 11 kolledjde 90 top qashyqtan oqıdy.

Budan buryn Qostanaı oblysynda tumaý juqtyrý kórsetkishi artyp bara jatqany habarlandy.