Qostanaıda medıtsına qyzmetkerine qoqan-loqy kórsetkenderge qatysty qylmystyq is qozǵaldy
ASTANA. KAZINFORM — Qostanaıda medıtsına qyzmetkerine qoqan-loqy kórsetý faktisi boıynsha qylmystyq is qozǵaldy. Bul týraly polıtsııa habarlady.
Qazirgi ýaqytta barlyq qajetti tergeý áreketteri júrgizilip jatyr. Tergeý nátıjesine qaraı protsessýaldyq sheshim qabyldanady.
Sonymen qatar medıtsına qyzmetkerin qorlaǵan azamat qoldanystaǵy zańnamaǵa sáıkes ákimshilik jaýapkershilikke tartylǵan.
Polıtsııanyń túsindirýinshe, qoqan-loqy kórsetý men qorlaý — quqyqtyq turǵydan eki túrli quqyq buzýshylyq. Áleýmettik jelide jarııalanǵan beınejazbada adamnyń ar-namysyna tıetin qorlaý belgilerimen qatar, qoqan-loqy jasaý belgileri de baıqalady. Osyǵan baılanysty árbir derekke jeke quqyqtyq baǵa berilgen.
Buǵan deıin sot medıtsına qyzmetkerin qyzmettik mindetin atqarý kezinde qorlaǵany úshin er adamǵa ákimshilik aıyppul salǵan edi.
Eske salaıyq, buǵan deıin SQO-da medıtsına qyzmetkerine qol kótergen er adam 1,5 jylǵa sottalǵanyn habarlaǵan edik.
