Qostanaıda metsenattar daryndy azamattarǵa qoldaý kórsetti

ASTANA. QazAqparat - Qostanaılyqtar jyl saıy­n metsenattar klýbynyń syı­lyǵyn tapsyrý saltanatyn kútedi, dep jazady «Egemen Qazaqstan» gazeti.

«Mıras» ob­lystyq mádenıet úıinde ǵylym, óner men ádebıet, bilim sala­synda júrgen maıtalman­dar, daryndar marapattalady, madaqtaldy. Kórermender kórkemdik keńes pen komı­s­sııanyń talanttar men óner maıtalmandary arasynan kimd­erdi iriktegenin de bilýge asyǵady.

Metsenattar klýby jas erek­shelikterine qaraı 12 ata­lym boıynsha syılyq ta­ǵaıyndaıdy. Onyń 36 jasqa deıingiler úshin bel­gilengen «Shabyt» syı­lyǵy - 500 myń, 36 jas­tan joǵarylar úshin be­ki­tilgen «Qazyna» syı­ly­ǵy 1 mıllıon teńge kó­leminde. Sonymen qatar, klýb músheleri sahnaǵa shy­ǵady, kóptiń qoshemetine bólenedi, syı­lyqtardy qos­­tanaılyq talanttarǵa tap­syrý qurmetine ıe bolady. Munyń barlyǵy da án-kúı­men, bımen órnekteledi.

Bıyl qostanaılyq ta­lant­tar «Qoldanbaly óner», «Mý­zyka óneri», «Vokal óneri», «Teatr  óneri», «Ho­reografııa», «Ádebıet», «Jýr­nalıstıka», «Bilim», «Shyǵarmashylyq ujym jetekshisi», «Aýyl janashyry» atalymdary bo­ıyn­sha iriktelgen daryndar «Shabyt» jáne «Qazyna» syı­lyqtarynyń laýreattary atandy. Olardyń arasynda Azamat Muqatov sekildi belgili dástúrli ánshi, aıtysker aqyn Aıbek Qalıev, «Aqjeleń» folklorlyq ansambli, Sergeı Harchenko, Marııa Shılo, Ju­ma­taı Ká­kimjanov se­kildi jýrnalıster de bar.

Aıta keteıik, 2000 jyl­dan bastap, búginge deıin kásipkerlerden qu­ralǵan klýb áde­bıet pen ónerdi, ǵylymdy áleý­mettik qoldaý maq­sa­­­tyn­da - 399 adamǵa, 35 óner ujy­myna 186 mıllıo­n teń­ge kóleminde aqshalaı syı­lyqtar bergen eken. 16 jyl boıy tapsyrylyp kele jatqan bedeldi syı­lyqqa bı­yl oblystaǵy 97 adam óz eńbegin usynǵan bolatyn, kór­kemdik keńes iriktep, 34 eńbekti tańdap aldy. Osyn­daı kómektiń arqasynda aı­maq­taǵy sý­retshiler sheber­hanalaryn durystady, aqyn­dar men ǵalymdar, jýrnalıs­ter ki­taptaryn shyǵarýǵa múm­kin­dik aldy. Eń bastysy, syı­lyq talanttar men óner­li­lerdi qanattandyrady.