Qostanaıda maıly daqyldar ósirý úshin egis alqabynyń kólemi ulǵaıtylmaq
QOSTANAI. QazAqparat - 2018 jyly Qostanaı oblysynda egis alqaptaryn ártaraptandyrý protsesin jalǵastyrý josparlanyp otyr, dep habarlaıdy QazAqparat oblys ákiminiń orynbasary Erlan Spanovqa silteme jasap.
Bıyl oblys boıynsha maıly daqyldardy ósirýdi 26,5%-ǵa arttyrý kózdelgen. Sol sebepti, egis alqaptaryn ártaraptandyrý protsesi jalǵasady.
«2017 jyly bıdaı alqaptarynyń kólemi 2,8%-ǵa qysqaryp maıly daqyldardyń egistik kólemi 30,5%-ǵa artqan. Sondyqtan da byltyr aýyl sharýashylyǵy salasynda jalpy ónim 3,5% -ǵa ósti. Mundaı úrdis aǵymdaǵy jyly da jalǵasatyn bolady. Bıdaı alqaptary kólemin 5,9%-ǵa qysqartamyz, esesine maıly daqyldar ósirý úshin jer kóbeıedi, - dedi E.Spanov oblys ákimdiginde ókten jıynda.
Májilis barysynda málim bolǵanyndaı, óńirde maıly daqyldar ósirýge sharýalardyń bári birdeı bel sheship kirise bermeıdi.
Al oblys ákimi Arhımed Muhambetov sharýalarǵa qolaıly jaǵdaı jasaý kerektigin aıtty. Sebebi, topyraǵy qunarly alqaptardy anyqtaý, egistikti aram shópterden turaqty túrde tazartý sııaqty jumystar kóp ýaqytty alady.
Jalpy, 2017 jyly agrarlyq sektordy damytý úshin oblystyq bıýdjetten 35,1 mlrd teńge sýbsıdııa bólindi. Ol aldyńǵy jylmen salystyrǵanda 1,5 esege artyq.
